[Sallustio a Cesare. Maturita' magistero 1993]

Igitur provideas oportet, uti plebs largitionibus et publico frumento 
corrupta habeat negotia sua, quibus ab malo publico detineatur: iuventus 
probitati et industriae, non sumptibus neque divitiis studeat. Id ita eveniet,
si pecuniae, quae maxuma omnium pernicies est, usum atque decus dempseris. 
Nam saepe ego cum animo meo reputans, quibus quisque rebus clari viri 
magnitudinem invenissent, quaeque res populos nationesve magnis auctibus 
auxissent, ac deinde, quibus causis amplissuma regna et imperia conruissent, 
eadem sempre bona etque mala reperiebam, omnesque victores divitias 
contempsisse et victos cupivisse. Neque aliter quisquam extollere sese et 
divina mortalis atingere potest, nisi omissis pecuniae et corporis gaudiis 
animo indulgens, non adsentando neque concupita praebendo, pervorsam gratiam 
gratificans, sed in labore, patientia bonisque praeceptis et factis fortibus 
exercitando.

[Sallust, Ep. ad Caos, De republica I 7,2]